越南米紙 (已結業)

今晚屋企晚餐無著落，於是同黃兔周圍行下，睇下有咩好野食，經過這裡比個越式火鍋吸引左入來店舖面積較細，枱與枱之間好窄，坐得不太舒服好彩我地點了火鍋同面包盅，二人枱勉強放得下，但都感覺有點迫，若然點了2個火鍋－定放不下。晚市套餐包咖啡或茶，特飲正價六折。越式牛肉火鍋（1人用）個鍋有別於平時火鍋，湯底係越式湯粉那種湯底，有香茅香葉等，清清地不太濃。火鍋料有薄切美國牛肉，－片片掛在架上，賣相吸引！牛肉肥瘦適中， 在湯上淥一淥，已經入味不需另外點汁了還有魚蛋及牛丸（估不到好彈牙），芝士波（好流心），金菇，粟米（由頭煮到落尾都唔淋，較遜色），烏冬等！不過侍應不會主動加水，無錯不是加湯是加水，所以略為遜色同埋星期六，日及公眾假期不會供應火鍋！芝士咖哩牛腩面包盅拌牛油金磚賣相好吸引，份量好多，還有一碗白飯！牛油金磚係烘過的厚切牛油蒜蓉包，味道好香脆同好香牛油味，原本唸住試一啖，怎料忍不住成個食哂至於咖哩好香濃，牛腩同薯仔入哂味好淋，面包内裡吸收左咖哩汁，外面還脆脆的，好好食本人覺得這個咖哩牛腩包好出色