鐘路雞林辣炖雞湯元祖

營業中

休息中

第一次食呢款韓國雞湯，聽聞起韓國都出名，所以想黎試吓。坐低後會比芽菜同埋蘿蔔泡菜，唔夠可以再加。佢有兩款雞湯，有辣有唔辣，我地點左辣炖雞湯。上菜後忍唔住相機食先，因為有好多蒜呀😍個湯味道唔算太辣，但幾惹味，食得出唔係雪藏雞，點埋佢d豉油真係好食，薯仔同年糕都好食，連平時對年糕興趣一般既我都食不停口食晒d配料同雞之後就諗加炒飯定刀削麵，最後因為好想飲湯，都係加左刀削麵，估唔到味道咁夾😋我地全部都好滿意呢餐飯，感覺好新鮮，好食得黎又唔算貴，最緊要係夠飽而且坐得舒服😁