睿居酒屋 (已結業)

拎左假過海行中環街市同大館，順便去埋東岸公園打卡，最後黎食晚餐。先黎一碟枝豆，係鰹魚醬油既味道，雪凍食應該更加正！鹽燒日本銀杏見幾得意叫黎試下見，營養價值豐富。剝左層皮食無咁寒，入面綠色成粒提子咁。串燒白鱔好厚實牛舌超有𡁻勁！芝士免治雞肉棒幾特別，點生雞蛋汁好夾！雞軟骨正常發揮雜錦天婦羅超多款！有齊南瓜、菇、池魚、蝦、青椒、蕃薯，即炸所以要等一段時間，即炸即食真係好正，咬落去仲出緊煙。呢間居酒屋🏮都幾多熟客，見到老闆同d客有講又笑，仲擺哂酒係到得閒就黎飲。