廚魔 (已搬遷) 新店位置

其實香港出色既分子料理唔多，尼間Bo Innovation都算係尼兩年幾出名，而且佢係米芝蓮3星。咁我就試左Testing Menu for dinner。首先講下服務先，由於係分子料理，你眼見到既同食落去既質感同口味都係有分別，所以每上一個菜，佢都會細心一一同客人講解。我既Testing Menu係中式食材配撘西式煮法。為大家推介兩個我覺得最特別既🔺分子小籠包，外形似小水球，外層係一個簿膜，擺落口到，用條脷壓一壓，水球破左就會有濃濃既小籠包湯汁仲有肉既鮮味，真係好特別。你唔會食到小籠包既皮同肉，但成個感覺會係你既口中重現。🔺梅菜豬肉鵝肝，非常特別，食落去係驚喜連連，梅菜豬肉化為粉末放係煎得好香既鵝肝上面，非常意外地夾！！而其他菜都係將成碟菜變身為一個糕點，濃厚既汁化成泡沫🔻最後仲有一set細細件既甜品，但好可惜地無咩可取既記憶點。而且我個日除左件大外套，佢地好細心咁幫我鎖住我件外套，比左個牌我☺️