囍 (已結業)

店鋪係商場入面二樓 位置比較靜 今次唔洗等位就入得 店內大部分都係卡位 位置都好寬落 坐得好舒服 用餐時間有九十分鐘 同朋友嗌咗198嘅set 揀咗濃蝦湯 套餐有半隻黃金雞 牛肉 豚肉 仲有牛脷同海鮮 食材都好新鮮 除咗套餐嘅野食 出面仲有自助嘅餐枱 有各式各樣嘅丸類 新鮮蔬菜 菇菌 基本上打邊爐要有嘅食材都有 而澱粉質方面 就有提供四川擔擔麵同日式綠茶麵 係用一個花瓶咁嘅器皿 好得意 醬汁方面都有豉油 蒜蓉 辣椒 可以自己mix 亦都有燒肉汁同芝麻醬提供添 除咗野食 自助吧都有汽水同啤酒提供 啱哂一路吹水嘅大家 如果等唔切啲野食熟 自助吧嘅另一邊都有一啲熟食供應 可以食住等 都幾多野揀㗎 有壽司 沙律 糯米飯等等 食到咁上下 個湯底到嘅時候 就可以將啲雞倒咗落去先 然後將枱面上嘅漏斗倒轉 等啲沙去哂另一邊嘅時候 姐係代表食得啦 個set仲可以加39蚊就有刺身放題 任食唔嬲 但係每一次都限定咗款式同數量 有甜蝦 八爪魚 三文魚 很新鮮的說呢 正餐食到咗上下嘅時候 係時候出動甜品胃啦 雪糕有提供兩款味道 牛奶同抹茶 個人覺得抹茶好食啲 有杯同筒提供 仲有棉花糖同唔同嘅醬可以加 照顧哂每個