POKE (已結業)

經過呢間野好多次，今次終於有機會試下。個環境係幾正幾有風格，加上係開放式廚房，成個感覺更加舒服。我今次嗌咗吞拿魚+半醋飯半沙律+海帶芽+枝豆+什錦菇+紫洋蔥+香菇醬汁+海鹽。可能係買外賣嘅關係，大概廿分鐘路程返到屋企食就覺得唔太新鮮，因為啲吞拿魚有小小梅嘅口感，所以就覺得麻麻地，建議大家都係堂食啦。但整體而言都算係不過不失，份量就十份之足，好似食極都仲有咁，而其他材料都幾正常，食落成個人會覺得好健康，唔會好濃口。