幸福堂 (已結業)

今日黎到旺角，想買杯手搖飲品，係幸福堂買左兩杯黎飲。呢間既珍珠全部新鮮現場即制，有部手作珍珠機黑糖，製作全程透明，對其衛生有信心。店員整野飲既速度都幾快，唔駛等好耐就有啦。留意呢間手搖飲品既甜度冰塊已經固定。抹抹暗戀 抹茶珍珠鮮奶 $28珍珠係士多啤梨味，珍珠好甜，幾腍但都有𡁻口。鮮奶採用日本明治鮮奶，加抹茶，唔甜，同甜既珍珠一齊飲，甜度就變得岩岩好。水母勇闖大海洋$28，飲落好似雪碧梳打，有兩大粒紫色啫喱，飲落好清新，而且賣相好靚，加曬分。呢間仲有得抽支籤玩下添。