好時沙嗲

營業中

休息中

星期五兩條友過o黎食飯，係我第一次o黎食，原來地方唔係好大，我真懷疑上次我o地班食家去食已佔該店一半地方。喇沙-湯底唔夠香，料亦唔多夠，而米粉略腍。加多加多-個醬當然冇miss牛油果整得咁好味喇，但比都不及印尼餐廳咁濃。咖哩雞-咖哩汁好野味，薯仔就有好多，雞就只得三件，雖然一D雞冇雞味，但就入晒D咖哩味。薄餅(油酥餅)-本來我諗緊叫油飯好定薄餅好，個侍應就介紹我食薄餅，佢話好好食來點咖哩最好。佢真係冇介紹錯，又熟又脆，好少有餐廳整得咁好食，點咖哩真係天下無敵。其質素冇我預期中咁高，但勝在價錢平。