星林居酸辣米線餐廳

營業中

休息中

喺尖沙咀行街行到好攰，諗唔到食乜就係眼前見到大大個招牌寫住有米線食，上網見到啲人話稱得上係第一好味米線，即刻上樓試下。餐廳好有地道嘅感覺，地方都幾大，自己點鍾意食啲乜，用張紙寫低野就可以，野都唔使講句。我已經點咗少米線，但係碗米線依然超級大碗，係滿瀉既狀態，太誇張啦吧。最愛見到一堆芫茜，正！小窩米線特色係本身已有基本配料，例如芽菜肉碎等，好香！我叫咗四個餸，蘿蔔豬潤，蟹籽丸同埋雞翼。特別想講下蘿蔔好甜同超大舊，好味！另外要講必點雞翼，勁入味亦都好嫩滑，係超好味！湯底真係好濃郁，每一啖都真係好好味，而家食完唔會感覺滿口味精。辣度可以自選，一邊食米線再配埋杯檸樂，一絕爽呢，第一米線果然唔係浪得虛名。