Todai (已結業)

噚晚同女友慶生日，去咗Todai。今次已經係本年度第三次幫襯喇。除咗第一次(4月)時有生蠔外，其餘兩次包括噚晚都係無。不過有燒蠔。主力係長腳蟹，唔知同季節有無關，以今次的最好食，肉質比較飽滿。另有加拿大蟹鉗，不過肉質相當硬而且短，我就唔係好識欣賞。壽司主力應該都係海胆，噚晚的海胆唔係金黃色，略帶緣色，不過味道無問題，仍然非常好味。燒牛肉都好好味，食咗5-6片。甜品細細件，好多款，亦係好好好好味。唯一要彈既係，全年供應的食物(壽司同熱盤)都無咩變化，少咗驚喜。