影片
更多
2018-08-19
11628 瀏覽
Sushi Tokami榮獲米芝蓮一星的日本餐廳今次已經係第五次到訪晚餐，回頭率十分高。📍餐廳位於海港城商場二樓晚餐$2200/位（左下）一開始先有吞拿魚茸手卷開心下先，切碎咗嘅吞拿魚茸好滑，紫菜都好夠乾身脆口。📸（右下）晚餐只有一個價錢一個Meun，先有6個前菜同熱食，再12件壽司同玉子，然後仲有湯同甜品。整體來講唔使再追加已經好滿足。前菜-甘鯛配水雲最底一條條的即是水雲（日本發菜），整體酸酸地好開胃。星鰈魚星鰈魚又稱右口魚。可配Wasabi 加竹炭鹽或者點右邊大碟既酸汁。兩個食法都食唔出個魚味同有啲靭，都係炙燒比較好，可以帶出魚油。牡丹蝦極之新鮮同肥美，食法可點蝦膏醬或者Wasabi 加豉油。兩個食法都試咗，蝦膏醬味道雖然濃郁但後者可以帶出蝦既鮮味多啲。煙燻鰹魚未夾起已經聞到陣濃厚既煙燻香氣，先有嗅覺享受。鰹魚肥美脂肪多，食落相當鮮味。鮑魚肝飯鮑魚面是鮑魚肝醬，即是用鮑魚既肝製成，食法係將醬同飯拌勻。鮑魚用一刀切法不是樓梯級，咬口十分之軟熟。問師傅要用幾耐時間炮製，回應：「蒸上至少5-6小時」實際時間師傅不肯透露，哈哈。鰻魚用上新鮮野生鰻魚，運到店裡仍是活生生。左邊是醬燒右邊是汁燒
今次已經係第五次到訪晚餐，回頭率十分高。
📍餐廳位於海港城商場二樓
晚餐$2200/位（左下）一開始先有吞拿魚茸手卷開心下先，切碎咗嘅吞拿魚茸好滑，紫菜都好夠乾身脆口。
📸（右下）晚餐只有一個價錢一個Meun，先有6個前菜同熱食，再12件壽司同玉子，然後仲有湯同甜品。整體來講唔使再追加已經好滿足。
前菜-甘鯛配水雲
最底一條條的即是水雲（日本發菜），整體酸酸地好開胃。
星鰈魚
星鰈魚又稱右口魚。可配Wasabi 加竹炭鹽或者點右邊大碟既酸汁。兩個食法都食唔出個魚味同有啲靭，都係炙燒比較好，可以帶出魚油。
牡丹蝦
極之新鮮同肥美，食法可點蝦膏醬或者Wasabi 加豉油。兩個食法都試咗，蝦膏醬味道雖然濃郁但後者可以帶出蝦既鮮味多啲。
煙燻鰹魚未夾起已經聞到陣濃厚既煙燻香氣，先有嗅覺享受。鰹魚肥美脂肪多，食落相當鮮味。
鮑魚肝飯鮑魚面是鮑魚肝醬，即是用鮑魚既肝製成，食法係將醬同飯拌勻。鮑魚用一刀切法不是樓梯級，咬口十分之軟熟。問師傅要用幾耐時間炮製，回應：「蒸上至少5-6小時」實際時間師傅不肯透露，哈哈。
鰻魚用上新鮮野生鰻魚，運到店裡仍是活生生。左邊是醬燒右邊是汁燒。兩個燒法都好香口，汁燒仲會有啲黏口同煙靭，正！
石斑魚- 好清新嘅感覺
大尾魷魚- 配上竹炭鹽同青檸，青檸為本身沒有味道嘅魷魚加了一點點綴。
新子- 小肌魚bb，沙甸魚啲朋友
赤身- 赤身來講算肥美，肉質鮮美。
石垣貝- 新鮮咬落好爽口，食鳥貝最鐘意就係睇師傅拍果一下，因為可顯示出其新鮮程度。
車海老- 燒左20秒半生熟，咬落爽口彈牙！
赤鯥- 黑喉，白身魚來講算肥美唔錯
海鰻- 好多人會分唔清海鰻同鰻魚。鰻魚係實身啲，相反海饅就鬆口啲，好似無牙婆都可以食到
燒玉子- 可見玉子偏深黃色，整體都是漸變，而最面層則是最深色。餐廳用上食辣椒的雞生的蛋，商談了半年才引入這種雞蛋。當甜品嘅關係所以加入頗多嘅糖分，口感偏厚實。
大吞拿魚腩 中吞拿魚腩
地球上嘅生物冬天都需要大量脂肪保暖，吞拿魚當然不例外。雖則夏天無咁肥美，但魚味確係重啲。
海膽
餐廳用上北海道馬糞海膽，師傅一點都不吝嗇，疊上兩層厚厚的海膽。一啖過嘅滿足感爆燈
剝皮魚
把剝皮魚切碎再加入少許蔥花拌勻。飯量剛剛好，剝皮魚黏身張口仲帶少少嚼勁。
晴王
最後以三粒晴王做終結。
整體服務質素相當高，店員細心解說每道菜，又頻頻更換熱茶。個人認為一間正宗的日本餐廳，都要配備壽司布，可見Tokami 的一星是實至名歸，由外到內都做到細緻無瑕。
張貼
