飲茶 (已結業)

第三次去食呢間，上網book 左4位，可能18:00去既關係，人流不算多，挺多空位。比起早幾年，現在更主打旅客生意，附近食客都是旅客，而且依家仲多左公仔俾人打卡。睇住流奶（$49）：奶皇包係次次必點，每次都係熱辣辣上，真係做到流心效果，但真係要小心入面太熱❗️正野一健（$49）：睇個名真係唔知咩味道，食落係肉包，上面既頭髮係肉鬆，略嫌普通。 滑蛋蝦球河（$99）：上菜時候先知道係濕既，蝦球都算爽口，味道跟平時炒河差不多，也沒有很特別。 珍珠雲吞（$99）：一共有五粒，但一定唔係珍珠size，粒粒都好大，仲有大大舊蝦，而且也爽口，湯的味道也不會太咸。 黑醋黑鱸（$199）：上菜時，真係嘩左一聲！因為size 係幾大，無諗過咁大條，炸得香脆，但食落有魚腥味。醬汁略嫌太少都太厚，想點多d 汁都不能。配菜是切粒三色椒，令外觀更吸引。但價錢較貴😾用某銀行信用卡埋單，仲有9折。仲有入去個陣，有幾款茶俾你揀，職員仲會幫你refill。茶芥每人$13。