影片
更多
2018-08-17
26 瀏覽
第三次食呢間炸雞了，一黎因為好鍾意佢個環境，一共有兩層，唔會太迫又唔會太嘈，好適合傾計，下層隔離就係吧台。我成日都覺得一堆倒吊既酒杯好靚😍😍木牌既menu都俾到人好有心思既感覺。 二黎就係佢最近出左個期間限定既黃金咸蛋黃炸雞！！！自從新加坡某隻出名既咸蛋魚皮開始係香港出現，周圍都越出越多各種唔同既咸蛋野食，例如蛋黃薯條，呢到都趕緊捉住潮流既尾巴，出番個蛋黃雞。2個人食，見個2人餐d野都岩食，就揀左個2人餐！($398) 2人餐可以揀蛋黃雞或者雙拼任揀一款其他炸雞，為左可以食多d唔同既野，梗係雙拼啦！芝士控當然另外個款係揀芝士啦！另外薯條都有3款味可以揀，分別係原味/芝士/紫菜，又係毫無疑問地揀芝士啦！最後個樣揀左個水冷面，要黎中和下頭2樣野既熱氣～ 跟餐飲品都好多選擇，我揀左蜜桃汁，朋友就揀左蜂蜜檸檬綠茶。 好！事不宜遲，馬上開餐！第一位出場既佳麗係芝士薯條。我好鍾意食連皮既薯條，薯仔味重d，面頭灑上香濃既芝士粉，熱辣辣好正！而且每一條都有痴到芝士粉，唔洗驚食到後面會冇哂芝士味。 之後就到主角：黃金咸黃炸雞出場啦！蛋黃真係夾咩都好好食！應該係蛋黃已經混合左係炸粉入面一齊炸，所以蛋黃味好
木牌既menu都俾到人好有心思既感覺。
二黎就係佢最近出左個期間限定既黃金咸蛋黃炸雞！！！自從新加坡某隻出名既咸蛋魚皮開始係香港出現，周圍都越出越多各種唔同既咸蛋野食，例如蛋黃薯條，呢到都趕緊捉住潮流既尾巴，出番個蛋黃雞。2個人食，見個2人餐d野都岩食，就揀左個2人餐！($398)
2人餐可以揀蛋黃雞或者雙拼任揀一款其他炸雞，為左可以食多d唔同既野，梗係雙拼啦！芝士控當然另外個款係揀芝士啦！另外薯條都有3款味可以揀，分別係原味/芝士/紫菜，又係毫無疑問地揀芝士啦！最後個樣揀左個水冷面，要黎中和下頭2樣野既熱氣～ 跟餐飲品都好多選擇，我揀左蜜桃汁，朋友就揀左蜂蜜檸檬綠茶。
好！事不宜遲，馬上開餐！第一位出場既佳麗係芝士薯條。
我好鍾意食連皮既薯條，薯仔味重d，面頭灑上香濃既芝士粉，熱辣辣好正！而且每一條都有痴到芝士粉，唔洗驚食到後面會冇哂芝士味。
之後就到主角：黃金咸黃炸雞出場啦！
蛋黃真係夾咩都好好食！應該係蛋黃已經混合左係炸粉入面一齊炸，所以蛋黃味好足，亦食到一粒粒既蛋黃，熱氣死都值得，我地甚至後悔冇要全部都係蛋黃…….
食到呢到，其實已經飽，仲有個水冷面，
夏天食同埋配搭炸野食係好好既，冰冰涼涼咁，因為有泡菜所以有少少酸酸地，都好開胃，因為當時其實已經好飽，但朋友都堅持食哂，要俾個👍🏻呀真係！
因為實在太熱氣啦，忍唔住再每人叫多杯野飲，今次叫左玫瑰花茶同菠蘿汁。4杯野飲入面，玫瑰花茶係最有驚喜！推薦大家去食可以試下呢杯！
張貼
