北京人家 (已結業)

同事生日飯，先來兩碟前菜（5人），酸青瓜豆腐，淡味咗少少，點了八幾道菜和湯羹：1）四川樟茶鴨，燒得好乾脆，硬咗少少，點些乳豬醬加少許京葱，放入好似小饅頭一起吃，由於鴨肉連骨，吃起來很麻煩，但味道配搭好似片皮鴨，有新鮮感，不過如果好骨食就方便好多，又好食好多；2）粉皮酸菜水煮魚，一隻辣椒圖按，少少辣，魚夠滑，但吃不到鮮味；3）口水鷄比以上辣些，好油食唔到鷄味，份量少到好似餐前小食咁；4）溫室菜苗淡而無味；5）金華火腿津白- 一片片金香的金華火腿，唔太鹹，無特別普通的菜式，雖然啲菜擺放得好整齊；6）唔記得個羹叫咩，普通茨粉加水加鹽，真係吃不到什麼味道；7）炸菜义子燒餅；覺得算最好吃，燒餅芝麻香，又脆又熱加入炸菜肉鬆豆粒饀一起吃，鹹味適中；可以再來encore;8) 薰魚- 味道好似叉燒，好甜，不太喜歡。總括來說，菜式一般，價格不平，但環境尚可以，裝修優雅。