影片
更多
2021-08-26
1770 瀏覽
今晚簡單食, 揀左旺角位置非常方便既朗豪坊食個快飯。趁住6點前⌚️人未算多既時間快快上去4樓最多食店嗰層望下👀有咩啱食。朗豪坊4樓我真係黎過無數咁多次, 可以話係我其中一個最多回憶最有感情既地方,而當中歷史最悠久嘅就一定係滿記，從讀書📚畢業🎓拍拖👫結婚💍到有小孩🧒，它會是唯一一間由朗豪坊開業到而家都一直係度嘅店舖嗎，應該係。朗豪坊4樓我食得最多次🥇既一定係滿記, 第二既就係pepper lunch, 唸好左如果無野啱食今晚都會食返佢。路經呢間新開既燈籠滷味, 上網睇下食評, 開左無幾耐已經過百個食評, 人氣非常旺, 幾個月前先食過佢既上手食店池記。其實燈籠滷味我已經食過佢地既銅鑼灣店兩次, 食完第一次後blacklist左, 第二次因為同事話想食。 銅鑼灣登龍街又係一個我經常會去既地方, 每一次經過, 都唔明🤔點解燈籠滷味會有咁多人排隊, 食評又真係好唔錯, 我既口味咁唔同人嗎?另一間令我百思不得其解點解有咁多好評既係越開越多分店既🍰La Famille, 又係食過兩次都覺得唔好味, 搵個時間我會再挑戰多一次。因為燈籠滷味既食評之好同未夠6點已經差不多滿座, 決定再去試下。我地點左大腸,
朗豪坊4樓我食得最多次🥇既一定係滿記, 第二既就係pepper lunch, 唸好左如果無野啱食今晚都會食返佢。路經呢間新開既燈籠滷味, 上網睇下食評, 開左無幾耐已經過百個食評, 人氣非常旺, 幾個月前先食過佢既上手食店池記。其實燈籠滷味我已經食過佢地既銅鑼灣店兩次, 食完第一次後blacklist左, 第二次因為同事話想食。 銅鑼灣登龍街又係一個我經常會去既地方, 每一次經過, 都唔明🤔點解燈籠滷味會有咁多人排隊, 食評又真係好唔錯, 我既口味咁唔同人嗎?另一間令我百思不得其解點解有咁多好評既係越開越多分店既🍰La Famille, 又係食過兩次都覺得唔好味, 搵個時間我會再挑戰多一次。
因為燈籠滷味既食評之好同未夠6點已經差不多滿座, 決定再去試下。
我地點左大腸, 鴨血, 鑫鑫腸王子麵, 鵝油香蔥雞肉滷肉飯, 黑糖珍珠奶茶🧋同蜂蜜荔枝紅茶。
大腸, 鴨血, 鑫鑫腸王子麵 - 問店員咩係鑫鑫腸, 佢都唔係好答到, 問佢係唔係內臟既一種, 佢話唔係。實物黎到就係一條普通香腸咁既樣, 味道我覺得似小時候成日食到既火腿丸腍身版。而大腸同鴨血味道唔錯喎, 我第一次幫襯佢地都有叫呢兩個餸, 之所以會將佢地列入不再光顧名單就係因為佢地, 嗰次食, 廚師👨🍳將大腸煮過頭, 無曬口感, 鴨血又一D味都無, 撈麵的醬汁也是, 只有顏色沒有味道。但今次進步左好多, 食材入味又有咬口。
鵝油香蔥雞肉滷肉飯 - 老公點的, 佢本來以為雞肉會係炸雞, 原來係白切雞。不過都好好味, 肉嫩仲要無骨。我食左一啖滷肉飯, 好味, 米飯🍚軟熟, 醬汁黏口有層次。
黑糖珍珠奶茶同蜂蜜荔枝紅茶就表現普通, 奶茶茶味唔夠, 珍珠煮得太腍, 痴埋一齊。紅茶嗰杯味道太甜, 糖水味太重。
張貼
