樂天大喜屋 (已結業)

樂天大喜屋又來光顧大喜屋放題☺️只因款式多、上菜快、唔溜單，上回食完念念不忘，今次帶家人來旺角再嚐一翻。同樣QR code 落單，上菜速度超快。落左第一批單之後出去攞罐野飲，番到黎碟燒香草羊架已經放左響台面🤣仲要仍然係熱辣辣！緊接住魚生大拼盤，油金魚、希靈魚、帶子、北寄貝、馬刀貝、赤貝、甜蝦、大赤蝦、吞拿魚、三文魚款式齊全。三文魚同油金魚都係厚砌！帶子非常肥美❤️豬先生最喜歡貝類，馬刀貝和赤貝好爽口。刺身好有水準，但最難忘係燒比目魚，唔多放題餐廳有得叫。表面掃了一層糖，入口有一層無比香脆既焦糖，前後落單左三次。放題餐廳竟然有蒜蓉粉絲蒸扇貝🤭扇貝大粒，蒜蓉炸得香脆✨壽司也十分精緻美麗💕他日再想食放題，相信我們家👨‍👩‍👦會是大喜屋的常客。