麻辣香鍋

營業中

休息中

今次係我第三次黎食麻辣香鍋啦 由於價錢算係幾平 而食物質素又吾差 所以一諗起食辣野 就過左黎到食🤣🍀辣子雞軟骨雞軟骨嘅數量好多 兩個人食嘅話超級夠 每一粒雞軟骨都好夠味 香辣得黎又吾會太辣 口感夠脆口 作為開胃菜一流😆🍀夫妻肺片今次嘅夫妻肺片有牛肺同牛肚 牛肺有嚼勁 辣汁岩岩好😚 牛肚爽口彈牙 吸埋啲辣汁好正😋🍀招牌香鍋我地揀左香辣微辣 再配埋雞件 鯛魚片 牛柏葉 蝦球 墨魚餅😛 雞件一口大小 炒得好香口 口感偏靭少少 但都咬得到😉 鯛魚片新鮮彈牙 幾好食🤤 蝦球有炸過 配香辣香鍋好夾🍤 叫香鍋再配飯食就係完美配搭🥰🍀金橘檸檬茶食完辣野再飲下酸酸甜甜嘅飲品 中和返味道👅