影片
更多
2009-09-19
15 瀏覽
又係我，我今個月已經係第 3 次黎啦! 我都唔知點解，所以話住係MK既人都係麻煩D，因為實在有太多誘惑係身邊啦，想唔肥都好難。只係行過隧道見到佢個BANNER廣告，媽咪就竟然興致勃勃咁又話想黎食，哈哈，我媽咪對佢個椰果子念念不忘，佢話真係好鍾意食喎，所以食完野又過左黎呢度食啦。其實真係好難得，因為基本上生存左係MK廿年以上，我媽咪真係好少會重覆幫襯一D甜品店，佢話出面個D實在太普通，完全引唔起佢興趣喎，所以「甜品革命」可以吸引到佢一來再來，實在係有佢既魅力係度! 大概 9 點去到，好多人呀，係咁啱仲有兩個位可以容納到我地兩個。想起第一次知道呢個甜品店係我一個同學同我講佢係雜誌見到，話係由三名男士所開，我仲即刻問個三個男既靚唔靚仔架? 我個Friend話:「唔知喎，又無post佢地個樣出黎。」今晚竟然一晚俾我見到哂，佢地其中竟然仲認得我，因為我係openrice寫過食評。當中一個老闆叫Eric，佢竟然連我個名都叫到出黎，真係勁! 我媽咪之後話呢D咪就係認真做生意囉! 哈哈，不過我地又的確係黎得密左d既! XD老闆依然好NICE咁推介甜品俾我地食，但由於媽咪對椰果子念念不忘，所以佢又再叫
大概 9 點去到，好多人呀，係咁啱仲有兩個位可以容納到我地兩個。想起第一次知道呢個甜品店係我一個同學同我講佢係雜誌見到，話係由三名男士所開，我仲即刻問個三個男既靚唔靚仔架? 我個Friend話:「唔知喎，又無post佢地個樣出黎。」今晚竟然一晚俾我見到哂，佢地其中竟然仲認得我，因為我係openrice寫過食評。當中一個老闆叫Eric，佢竟然連我個名都叫到出黎，真係勁! 我媽咪之後話呢D咪就係認真做生意囉! 哈哈，不過我地又的確係黎得密左d既! XD
老闆依然好NICE咁推介甜品俾我地食，但由於媽咪對椰果子念念不忘，所以佢又再叫左黎食。今晚叫左「黑車厘子茅屋椰果子」同埋「龍泉銀露」，呢個係上次佢地推介過既，覺得幾吸引，所以今次就叫黎試下啦。
首先係「龍泉銀露」，好似我呢D又鍾意龍眼又鍾意椰汁既人當然好鍾意啦，佢入面仲有個雪糕球架，佢真係所有甜品都有伴雪糕架喎! 除左雪糕仲有龍眼同西米加香濃既椰汁! 我自己覺得龍眼既味道同椰汁幾夾，都係屬於較為清新既味道，唔會得個甜字。椰汁依舊香濃，你將D椰汁連埋一啖雪糕一齊放入口個種感覺好正架真係。除左冰凍既口感之外，椰汁加埋雲尼拿既味道即刻伸延出黎，真係唔錯。
茅屋椰果子今次係第二次食，其實上一次只係五日前既事，不過好似有DD唔同左喎。簡單D講就係上次個椰青靚D，真係一睇就知，上次個椰青又大個，D肉又厚而且仲有好香既椰青味，不過今次明顯不及上次，D椰肉係無咩味的，所以媽咪就話覺得上次好食D囉。椰青入面個內餡依然係好食既，冧酒車厘子勁香又有少少苦苦地，加埋清新既椰果子，還是很不錯啦。
食完拿拿聲走人，因為見出面頗多人客，廢事阻住佢地張檯啦。埋單時赫然發現老闆竟然俾左個 9 折我，真係唔好意思! 多謝哂老闆! 我都答應下次一定會帶朋友黎食的。不過誠心希望食物水準唔好退步啦，如果唔係我會好唔開心架! ><
希望下次依然有靚靚椰青食! =)
張貼
