文記

營業中

休息中

轉眼間已寫咗三百個食評...好嘢仍然照食，評論仍然繼續...但係當初冇諗過呢度會成為第三百個食評，事有湊巧而已...每次嚟海防道街巿都只會去德發，今次轉吓口味去隔籬食什扒飯...先嚟例水菜乾豬骨，典型味精湯...什扒有豬扒、香腸及火腿，再加一隻荷包蛋...飯軟熟，汁唔太鹹，但對於我呢亭"鹹人"嚟講就偏淡；豬扒醃得有D過甜，不過算幾入味，本身有少少用鬆肉粉處理過，對我嚟講，灣仔新景園及九龍城文叔豬扒就較為出色；火腿並冇仔細煎過，失望，反而香腸就有煎，叫做補番數...奶茶就係普通料la...排檔嚟講價錢唔算平，各位都唔使專登過嚟食la..