第三站

餐廳環境闊落，坐得舒服，臨近聖誕，有好多裝飾，充滿節日氣氛。晚上最低消費每位一個dinner set，送一杯$38飲品，補差額可轉其他特色飲品，加$38仲有埋沙律同甜品。特級海鮮拼盤：包括魚手指、炸蝦、炸蟹鉗、炸帶子、吉列蠔，即叫即炸，新鮮鬆脆。田園沙律：沙律菜加左酸酸甜甜既日式芝麻醬，感覺開胃。意式芝士肉醬扁意粉：蕃茄醬汁濃郁，意粉煙韌掛汁，軟硬適中，配肉碎、洋蔥、香草，簡單好味。黑松露帶子鮮菌燴意大利飯：味道濃郁既黑松露，香氣撲鼻，加上帶子同鮮菌，意大利飯軟硬度剛剛好，口感濃稠綿滑。藍莓芝士蛋糕：口感柔滑細膩，芝士香味濃郁。法國朱古力芝士蛋糕：朱古力慕絲海綿蛋糕，啖啖軟綿口感。總結，餐廳交通方便，價錢合理，性價比高。