影片
更多
2021-09-27
249 瀏覽
星期一晚大概6點半到達，無咩人。 環境乾淨、企理,侍應好快嚟落單,態度良好。因為實行低碳飲食，所以叫咗個淨餸，3餸起：豬頸肉、沙爹牛肉、豬手，份量唔算多。 已經叫清湯底但都好鹹。豬手炆得好腍，但偏鹹。豬頸肉好韌、好乾。 沙爹牛肉比較正常。3個餸食完之後好口渴。煎釀三寶啲魚肉釀到好薄，完全唔抵食。 出面街邊十蚊四嚿，大件夾抵食。呢度22蚊得五嚿，仲要魚肉勁薄， 下次都係街邊食。鹵水雞翼味道最正常， 蠔油冬菇炆得幾腍，好夠味。 麵嘅質地都唔錯，墨魚丸就係出面正常嘅口感，唔算特別彈牙。揀咗濃湯底，個湯都係超鹹， 食完超口渴。油菜最正常，爽脆，18蚊算抵食。今次係第二次幫襯，第一次覺得唔錯，特別係魷魚。但係今次所有嘢都偏鹹有啲失望。
因為實行低碳飲食，所以叫咗個淨餸，3餸起：豬頸肉、沙爹牛肉、豬手，份量唔算多。 已經叫清湯底但都好鹹。豬手炆得好腍，但偏鹹。豬頸肉好韌、好乾。 沙爹牛肉比較正常。3個餸食完之後好口渴。
煎釀三寶啲魚肉釀到好薄，完全唔抵食。 出面街邊十蚊四嚿，大件夾抵食。呢度22蚊得五嚿，仲要魚肉勁薄， 下次都係街邊食。
鹵水雞翼味道最正常， 蠔油冬菇炆得幾腍，好夠味。 麵嘅質地都唔錯，墨魚丸就係出面正常嘅口感，唔算特別彈牙。揀咗濃湯底，個湯都係超鹹， 食完超口渴。
油菜最正常，爽脆，18蚊算抵食。
今次係第二次幫襯，第一次覺得唔錯，特別係魷魚。但係今次所有嘢都偏鹹有啲失望。
張貼
