上州一頭和牛燒肉 (已結業)

第一次食“水煎鍋”一次過有3種食法, 餐廳員工教我地先把食材放進外圍湯中煮幾秒, 之後放上中央鐵板上煎, 相對食材無咁容易煎乾, 呢個方法非常適合雞肉及豬肉, 因為呢2款必須全熟。蔬菜可放湯中煮耐少少, 再放上中央, 咁就無咁易燶/乾。或只放湯中煮熟即可。牛肉因可以不用全熟, 所以我個人都係喜歡直接放中央, 快手煎2邊就食。同行朋友就覺得先放湯中再煎真係會有湯既咪道, 而且相對無咁乾。**泡菜湯略為淡**見咁多肉就另加一個沙律, 價錢, 份量都OK。小插曲 : 錯有錯著, 經openrice 訂位, 唔覺意按錯用左優惠價訂刺身拼盤($98, 原價好似要2百幾), 其實去到既時間,餐廳員工有再三同我確認係咪訂左, 如係按錯, 佢話可以幫我取消, 同行朋友話既然訂咪試下, 份量, 種類都好OK, 值得一試。唔記得影相。原來影漏左2杯果茶, 真係覺得幾好, 唔想飲酒又唔想飲有汽既飲品, 呢個係一個好選擇, 少少酸, 解油膩感又開胃。另加牛舌, 我同朋友必食之選, 去任何一間串燒/燒烤店都係必點, 今次點左厚切, 係屬於爽口有咬口果款, 所以好OK。