幸圓

營業中

休息中

我同閨蜜都特別鍾意去幸圓食日西式料理，因為唔單止食物好食，就連擺設都特別精緻，真係色香味俱全嘅享受❤️我哋今次叫咗：赤蝦他他.魚子醬.蝦汁意大利粉🌟🌟🌟🌟🌟呢個絕對係我食過最好食嘅意大利粉面！每一條意大利粉都俾濃郁嘅魚子醬包住，特別creamy好食，再配埋Q彈嘅三文魚籽，每一啖都係頂級嘅享受，令人無法抗拒😋刺身盛八點🌟🌟🌟🌟🌟呢個拼盤係由三文魚、油甘魚、帶子同埋廚師精選嘅其他食材組成！擺盤特別精緻，每一啖刺身都特別新鮮滑嫩，鍾意食刺身嘅朋友仔絕對唔可以錯過呀！大葉醬魚生他他🌟🌟🌟🌟西多士外皮香脆香甜，配埋魚生嘅鮮嫩口感，意外地咁好食😋仲有啲大葉醬滲咗入每一塊魚生入面。口感簡直一流！！三杯酢廣島蠔🌟🌟🌟🌟三個好似我隻手掌咁大嘅生蠔🦪，睇落已經特別吸引，食落仲多汁鮮甜，配埋三文魚籽簡直係完美，令人回味無窮🫰我哋兩個都第二次探店都非常滿意，已經喺度計劃緊有假放嗰陣再出嚟探索幸圓所有嘅美食🤩🤩🤩