666泰船麵 (德輔道西) (已結業)

之前666剛試業嘅時候食過一次，覺得唔錯，今日就去買個外賣食，點知中伏。等左半個鐘，堂食遲過我嚟到都食完埋單，但我仲未有得拎....真係等到嬲嬲地！椰青咖喱牛腩飯好酸，仲要係唔好食嘅酸味。咁大個人識咁多次椰青咖喱牛腩飯都未試嗰個汁係咁酸，仲要$36勁細碗.生菜包我覺得呢個份量真係好過分，碎豬肉嘅份量係一啖可以食晒，$41比一啖生菜包我食，好過份。啲菜仲要有沙唔乾淨。牛肉金邊粉，豬肉金邊粉豬肉金邊粉係$43 ，牛肉金邊粉係$29，但份量真係差唔多，只係豬肉同牛肉嘅分別就要貴多咁多。我唔明佢點定價。味道係唔錯，湯底也不錯，但份量真係好少。其實西環仲有好多好食嘅泰國店，俾佢更好的大把。佢呢個價錢，呢個質素確實唔成正比。可能真係租咁貴嘅關係啦....但中肯啲講句佢個海南雞飯味道係不錯的。