KEFI

營業中

休息中

為了支持吓香港小店，特登由中環行到去上環，過咗永安嘅位置，搵到依間小店。依家小店個門口好細，好隱蔽，每日有四個餐選擇，不過我去過三次，其實餐牌每日都差不多。我今日揀咗咖喱牛麵肉，蓮藕餅，墨魚餅，配饅頭。我冇加錢要飲品，因為有自助檸檬水供應，味道唔錯。個餐份量唔多，但係女仔食就啱啱好，男同事會覺得唔夠飽。可能我哋第一次食，係牛面肉配雞髀，所以今次雞髀嘅選項變咗雞翼同蓮藕餅，突然之間感覺份量細咗好多。咁味道確實真係唔錯，我最鍾意食佢個饅頭，因為真係炸得好香脆。每個餐都係$65 ，希望款式可以多啲變化，每次嚟都有唔同選擇啦