金鶴拉麵 (荷李活道) (已結業)

呢間拉麵店第二次食，之前食過佢個雞白湯拉麵，覺得唔錯所以又encore！😋❣️極濃雞白湯拉麵$138今次試新嘢，想食啲濃味點嘅湯底，所以今次揀咗極濃雞白湯拉麵🍜今次湯底質地非常creamy，直程有少少似嗰啲忌廉湯咁樣，飲落會有飽腹感，味道好濃郁，但係完全唔係味精嘅感覺 ！😋感覺啱啱好！我自己比較重口味，對比起普通雞白湯拉麵，我會鍾意極濃多啲🥰除咗湯底，其他配料同普通雞白湯拉麵差不多，冇乜分別。配菜部份-我幾鍾意佢個炸牛蒡，脆卜卜而且份量好多👍🏻肉嘅部份普通雞白湯份量一樣質素一樣。不過佢糖心蛋就麻麻哋，食落唔係個啲好濃郁好甜既溏心蛋，調味唔多。另外餐廳係有加一，加一後$150左右相對就冇普通雞湯拉麵咁抵食。