悠蔬食 (渣甸中心) (已結業)

適逢同事初一十五食齋所以帶咗佢嚟呢間餐廳，上次喺尖沙咀食過佢啲餸菜覺得唔錯而且好多款揀，所以今次返到嚟銅鑼灣店。老火湯真係無敵！真材實料，完全冇味精，飲完一會仲好想再飲多碗。我嗌左個台灣蔬菜麵加腐皮卷加南瓜天婦羅，好鍾意個腐皮卷，因為一層一層捲着拎去咋，個成品出嚟就感覺好似食緊卷蛋緊，好有質感。台式麵滷水湯底非常濃郁，蔬菜例如紅蘿蔔、白蘿蔔、大白菜等等都煮得非常入味同埋好軟稔，份量亦都剛剛好，不過食到尾啲面熟晒啲汁就會有啲咸。朋友叫咗個墨西哥卷加紅菜頭粒加薯條，佢大贊個墨西哥卷非常重手而且好足料好好食，仲話一定會返嚟再食。甜品方面，叫咗銅鑼灣分店獨有嘅布丁燒，就係一舊燒布丁下面係海綿蛋糕，而且仲有碟豆花嘅醬汁，配埋藍色嘅蝴蝶真係好靚。