滿東冰室

營業中

休息中

上個月黎食特餐，想寫文點知open rice無呢間野，唯有自己整方便東涌居民，上次入門口即時有個男人好主動問幾位，反應好快，唔知係咪老闆，對此我幾滿意個服務，但有小插曲就係餐飲轉熱檸蜜加左我十幾蚊，問後原來樓面唔熟計法，虛驚一場，埋單時比左好多散銀，無咋型唔錯。但上次食果個豬扒出前一丁麵，唔知點解個麵好淡（係加錢轉左丁麵）另個豬扒有少許鬆肉粉味咁太薄。言歸正轉今次帶老公黎食，係因為老公未食過，今次叫左豬頸肉嗽沙米線，喇沙湯好香，椒鹽豬扒飯個汁好惹味，訪問我老公佢話飯太軟如可加甜豉油更好，整體我覺得好食過世窗同大少，但價錢就肯定貴果兩間十蚊左右，不過我喜歡呢度員工多少少，補充今日都有小插曲，就係漏比個湯，我老公問侍應，侍應回覆跟餐先有，我老公話我呢個咪餐囉😂真心覺得員工唔熟運作，今次再補上menu，但要等open rice批，希望幫到大家。（唔明點解個老闆都唔將自己間餐廳加上open rice)莫非驚差評🤣