alfafa (康怡廣場北座)

營業中

休息中

Alfafa都裝修完一段時間，一直都唔敢再試，因為第一次去光顧嘅經驗嚇親我⋯佢裝修前，我同老公第一次去食，已經買左戲飛諗住輕輕鬆鬆有一個鐘多d嘅時間食晚飯，食完就去睇戲，點知⋯明明店內唔多人，我地點單之後等左半個鐘都未有野到，催單，等多陣間先有野食。好匆忙食完，叫埋單，又係不合理地耐，之後我地blacklist左佢。今日睇完戲想食個輕盈d嘅下午茶，見度度都等梗位，得alfafa唔洗（都知伏伏地），決定俾多次機會佢。我點左個迷你烤雞有機蘑菇天使麵，配有機芒果茶；老公點左個迷你漢堡配煙肉炒蛋伴薯條。落完單，隔左陣就上飲品，但之後又係等左二十分鐘有多，先上老公果份漢堡薯條漢堡入面就係夾住煙肉同炒蛋，味道好普通。薯條係脆嘅，僅此而已。然後，到我老公食完佢份食物，我碟天使麵先到，真係等到躁⋯寫話係烤雞，但真係食唔出烤嘅味道，d雞絲係唔香唔好味，個汁味道正常，唔特別。我最唔明就係等左咁耐，但黎到連碟邊d醬汁都唔抹下，好失分⋯中左兩次伏，我唔會再俾機會佢。