ADO洋食屋 (已結業)

一直都好想試果種一切開會流曬D蛋漿出泥既蛋包飯，估唔到香港都可以搵到！ 😀 我地叫左兩款蛋包飯，包括係明太子奶醬蛋包飯同埋濃厚芝士肉醬蛋包飯。😼非常建議大家跟餐，因為佢地既湯幾好飲，麵豉湯幾有誠意，味道唔會好咸唔會好稀，感覺係有煲過，而唔係求其沖粉俾你就算，亦放左好多配料：豆腐，昆布，菇等，口感非常好。（果個小食就一般） 🥹講講主角：蛋包飯。講真佢個蛋真係整得好出色，我地切開兩個蛋，流心既效果都好一致，廚房既技術同火候控制都非常好。唔同款既蛋包飯主要係汁同一D配料唔同，就睇自己喜好去揀啦，明太子奶醬都唔錯，牛油同奶味好夾蛋包飯。而入面個炒飯就真係好洋食STYLE，比較淋身，唔會似中式炒到粒粒分明同乾身。口感方面，蛋係非常之滑，飯軟林林，飯入面右左D切左粒既菇，幾有咬口，成件事係幾夾既。 🫠另一個重點，就係打卡，呢個蛋包飯，絕對值得影相拍片，因為切開蛋既一刻，係非常震撼同埋有驚喜。 🤩 我地叫左個炸雞小食，OVERCOOK左，比較硬冇，內里無咩肉汁。 😕 最後講下環境同服務，店舖細細，里面有好多和風既設計同裝飾，雖然坐得比較逼，但都坐得舒服既。店員都好友善，而且大部分都幾年輕，感覺好有活