滿江紅 (已結業)

星期六晚7點幾冇訂檯走過嚟都仲有位，咁啱次次都係同一張檯，今次佢哋個冷氣終於整好。今次都係叫小菜，未試過的口水雞、炒薯絲(醋）、毛血旺，仲有必叫大大杯凍檸茶。口水雞醬汁濃，香口的，唔算好辣好麻，雞肉沒有雪過龍。少少辣，用醋炒係開胃嘅，如果下次揀辣炒應該惹味啲。後加毛血旺，本身撈面啲料都冇咩特別，係撈起底嘅湯就唔同晒，又香又麻辣，啲料好多，豬紅、魷魚、牛柏葉、腸仔，仲有一舊爽爽地嘅應該係黃喉。最後又係食到超飽咁落樓，埋單每人差不多$200。呢間餐廳俾起新開嘅川菜勝在份量多，又唔會太重味，易搵位，所以我哋會翻單幾次。