影片
更多
2024-10-29
1061 瀏覽
🥩呢間於70年代開業嘅港式扒房，曾經傳聞其實佢叫“茅屋”，但因為招牌字體太潦草，所以先被睇成第尾。近五十年來，餐廳都冇正式澄清過以上嘅傳聞，直到近年，新一代先喺IG正式解開呢個謎團。詳情可見IG擷圖。上菜好快🤵🏻伙記有啲澳牛feel，超有效率又不失禮貌仲好細心，會專登搬張櫈畀我哋擺袋，見我哋有放西裝褸，仲主動攞塊格仔枱布畀我哋冚住件褸，呢樣真係酒店級。（不過都因為呢度地方比較淺窄，其實都係自保方法之一）好有香港精神。喜出望外，比預期中好味，我覺得係我食過同類舊港式扒房餐廳中最優。🥣紅白湯都好濃郁，白湯有粟米粒🌽唔會太杰太開粉feel。小餐包就係嘉頓交嚟嘅，室溫，牛油係獨立包裝嘅紐西蘭安佳牛油🧈。晚餐$100左右鐵板扒餐牛扒可選熟度，醬汁可選黑椒汁或蒜蓉汁。上枱時醬汁已淋在鐵板上，不過因為上菜快，上到枱依然“炸炸”聲，同樣享受到食鐵板餐最重要嘅儀式感。牛扒牛質軟冧，又唔會覺得太鬆肉粉，有肉味味道當然同貴價扒房冇得比，但兩者屬兩款完全唔同屬性嘅味道追求，真係冇得比較，食得港式扒房就唔好要求食到英式扒房嘅味道，一分錢一分貨，千其唔好期望蔗渣嘅價錢可以買到燒鵝嘅味道，咁你呢餐就會食得幾開心。留
近五十年來，餐廳都冇正式澄清過以上嘅傳聞，直到近年，新一代先喺IG正式解開呢個謎團。
詳情可見IG擷圖。
上菜好快🤵🏻伙記有啲澳牛feel，超有效率又不失禮貌仲好細心，會專登搬張櫈畀我哋擺袋，見我哋有放西裝褸，仲主動攞塊格仔枱布畀我哋冚住件褸，呢樣真係酒店級。（不過都因為呢度地方比較淺窄，其實都係自保方法之一）好有香港精神。
喜出望外，比預期中好味，我覺得係我食過同類舊港式扒房餐廳中最優。
🥣紅白湯都好濃郁，白湯有粟米粒🌽唔會太杰太開粉feel。小餐包就係嘉頓交嚟嘅，室溫，牛油係獨立包裝嘅紐西蘭安佳牛油🧈。
晚餐$100左右
鐵板扒餐牛扒可選熟度，醬汁可選黑椒汁或蒜蓉汁。上枱時醬汁已淋在鐵板上，不過因為上菜快，上到枱依然“炸炸”聲，同樣享受到食鐵板餐最重要嘅儀式感。
牛扒牛質軟冧，又唔會覺得太鬆肉粉，有肉味
味道當然同貴價扒房冇得比，但兩者屬兩款完全唔同屬性嘅味道追求，真係冇得比較，食得港式扒房就唔好要求食到英式扒房嘅味道，一分錢一分貨，千其唔好期望蔗渣嘅價錢可以買到燒鵝嘅味道，咁你呢餐就會食得幾開心。
留意只收現金。
張貼
