翡翠拉麵小籠包 (已結業)

12:30到，2位，等咗一個鐘，等到花兒也謝了。。。花鵰醉雞- 隻雞好口肉，皮滑肉嫩，雖然唔係好入味，但佢個汁本身調得都幾好味。鍋貼- 皮太厚，而且煎到皮都實哂，咬落去好硬小籠包- 即叫即蒸，湯包皮做得厚薄適中，唔會一夾起就爛，能夠hold 住肉汁。肉汁鮮甜，肉質鮮味。大概要等15分鐘左右，繁忙時間而又趕時間真係唔好叫，因為會等多過15分鐘！上海素菜炒麵- 粗炒看似無難度，其實炒麵炒得均勻而唔油膩都唔容易。呢碟麵就略為重手咗少少，偏油又偏咸。