何洪記

營業中

休息中

幾個禮拜前去送朋友機。朋友見到呢間嘢有燒味食諗住最後衝刺食燒味。 點知一肚氣。首先食物質素唔算好食。 叉燒，燒腩仔尤其差，得個鹹字又乾又鞋。食左一舊已經唔想食第二舊。 淨雲吞係細細粒果種雲吞仲要得幾粒。一個食飯碗裝晒。好啦，喺機場食野都預咗啲野又貴又唔好食。 咁都算啦，講戲玉。我哋仲有叫左兩樣蒸點心，就係馬拉糕同叉燒包。 等左20分鐘都未黎，其他野已經到哂好耐咁我就搵個阿姐請佢幫忙跟一跟張單啦。 點知佢冷冷掉出一句“你都見到個廚房出菜位未有啦，有就拎比你啦”。 嘩! 當堂個人有啲㷫㷫哋。 跟住我走去出菜位問第二個阿姐我果兩樣點心幾時有。 佢答話有入機既， 所以只係等緊蒸啫。 好啦咁我放心返埋位坐啦。 點知一等再等。。 25 分鐘，30分鐘， 40分鐘。。都係未有。 大佬呀! 蒸兩碟點心真係要咁耐架咩？ 就當我正想去取消個兩樣嘢既時候突然聽到有個阿姐話“死啦! 原來部機壞咗呀，入左既單無印到出去比廚房呀!” 大佬，你哋班人玩夠未？ 叫你跟一跟張單又嫌啲客煩唔處理。 開得喺機場就預咗個個都趕搭飛機趕時間㗎啦。 最後梗係嗱嗱聲取消未黎個兩樣野埋單走人。 呢間野真係冇下次。