北京老家 (已搬遷) 新店位置

今晚一行七人到此用餐！係八點前點了拔香蕉，八點二十分跟黑色西装侍應催單，獲告知拔出菜時間比較耐！好，到八點半距離點菜超過三十分鐘，再問一個女侍應，獲告知快做好已經在拔叫我再等6到8分鐘！十分鐘過後再問該女侍應，叫我再等2分鐘！點知2分鐘過後，終於見到拔香蕉一碟由㕑房捧出黎！不過碟拨俾咗隔離枱！此時由落order 拔到俾咗隔離枱已經超過40分鐘！同枱有外國有人面都黑晒、只好埋單！埋單時黑西裝侍應道歉都無句仲問你地有個拔喎仲要唔要？我就話你地要我等左40分鐘一直話黎緊黎緊，而家仲要我等？佢就話厨房出咗問題淨係做咗一碟！我就話咁嘅服務我要求免加一，佢話做唔到只可以免茶！我想話我要求免加一係因為服務費我真係俾唔落手唔係為慳百幾蚊，你要我一行七人白等咗超過45分鐘道歉都無句淨係話廚房問題！真心講，食物也一般，勝在大眾化！