Coffee Lover (已搬遷) 新店位置

友人睇到網站介紹超靚咖啡小店，趁星期六就去會一會佢啦～～入到去見到長長人龍，估計都有二十幾人等緊，可以互聯網威力幾強大！不過特登入到嚟，又無理由走嘅，於是決定等下～小店其實一個係車仔店，入面淨係得老闆一個人一腳踢，拎完咖啡就要入返canteen 坐。由於太多人嘅關係，杯同靚靚擺設都無人洗所以只有外賣杯，藝術氣息大減！不過老闆都堅持拉/畫花上面係cappuccino ~呢杯係Rose Latte ~對於鍾意濃濃咖啡味嘅我，兩杯咖啡嘅奶味重，但啡味唔濃，勝在誠意搭夠。如果順路入去中大飲杯無妨，不過山長水遠入去就要考慮一下啦！