甘味讚岐手打烏冬

營業中

休息中

星期日喺銅鑼灣食lunch ，四圍都排哂長龍，見呢間唔洗等就入咗去食.雖然客人唔算好多，不過啲員工都勁急勁趕咁，服務態度認真麻麻.我地叫咗一個咖哩雞扒飯同牛肉蕃茄烏冬。之後一路等一路等，呆坐咗半粒鐘先上咗個咖哩飯.一見到個樣已經知奶野，食落果然出事，啲汁杰到成pat屎咁，個味係有喺到，但撈飯一啲都唔好食，想像下咖哩汁撈飯個口感變成薯蓉撈飯，個雞望落係脆脆，但其實乾到不得了，零肉汁，以為自己食緊紙皮，不個佢飯量好足，只係啲汁唔多，去到後期係乾吞白飯食完個咖哩飯，個烏冬都未嚟，想催下個侍應，佢又係態度勁hea，之後等多幾分鐘終於食得.賣相好蕃茄，但個烏冬係無味，佢完全索唔到蕃茄湯嘅味，個牛又係同個烏冬同蕃茄分離咁，乜味都無，三樣食材無好好融合終結：四圍排長龍，而呢到唔洗等係有原因。