和味館 (已結業)

7點半入座, 規定食兩個鐘, 入咗第一輪單, 單咗一半嘢左右, 未到 8 點就已經清晒喇, 跟住就開始進入長等狀態, 等到8點15分左, 再入第2輪單, 將第1輪未嚟o既嘢再入, 大概都有十幾樣嘢, 但最終都只係嚟咗幾樣, 其間不斷催單, 其中一個侍應就話見到電腦入咗好多嘢, 但係就冇樣嚟囉, 到 last order 再追問, 另一個侍應返問我哋有咩未嚟, 態度又差, 前後入咗成幾十樣嘢都有, 嚟得十樣左右, 點講你聽差咩吖, 再剔都唔知會唔會又係有去冇回, 剩係記得手卷從來都冇嚟過, 唔知冇飯定冇紫菜啦, 但係見到其他人都有囉, 好激氣, 百幾蚊一位只係等等等, 都知呢種任食舖漏單好平常, 未試過漏得咁離譜囉, 催單又唔理, 夠鐘就識嚟趕人, 一定唔會再嚟囉!