丸亀製麵 (百合苑商場) (已結業)

星期六晚上喺黃埔食飯，周圍都多人，想食平dd,就試吓丸龜製麵。7點幾8點，間舖好多人，見到製麵職員不停問客人要咩，排咗10分鐘，排到差不多到我，點知d麵賣晒，要等佢煮都要等15分鐘，已經又攰又餓點解唔煮定多d呢？！終於有烏冬食，牛肉麻醬烏冬味道唔錯，有少少辣，但好惹味，不過烏冬唔夠滑。另外個日式燒豚烏冬，味道一般，只是普通湯烏冬，沒有驚喜，豚肉較肥，湯亦不夠濃。總結，以呢個價錢食呢個質素，都冇乜可以挑剔，唯獨希望d員工效率高d，手腳快d，唔好淨係企喺度咁應該大家都會開心d。