一風堂 (新港中心) (已結業)

今日約定左老婆去一風堂試下佢既拉麵. 咁我就早一個鐘去到拎位啦...點知1072號...但7點10分既時候叫到805號而已本來想放棄, 但老婆突然同我講你想試咁耐就等啦, 期間行住街食下野, 一等就到9點53分..終於入得去, 門口既帶位亦好有禮貌話'要你地等咁耐, 真係唔好意思'。因為一早就睇定食乜就立刻叫左白丸, 赤丸, 餃子同叉燒角包我的白丸麵外加溏心蛋, 湯清甜有豬骨既膠質, 但係返屋企都飲左唔少水, 可能天氣熱啦~老婆的赤丸麵加蛋, 因為有蒜油同辣醬, 味道比白丸更濃一風堂叉燒角包, 真係好好味, 但因為太肚餓, 兩三口就KO左一風堂出名既餃子, 雖然$38/5隻, 但真係好出色, 皮簿油少有肉汁總括黎講, $68一碗麵真係物超所值, 餃子可能算比較貴, 服務大致很好, 只時有些小插曲就係有人要求將3人既飛轉單人位攪到秩序好亂, 希望佢地控制到呢個問題啦, 唔係之後有排煩, 個個有理無理見多人就分枱座。