太平洋咖啡 (威爾斯親王醫院)

營業中

休息中

今日去覆診，覆診完要等葯，但見熒幕號碼同自己手上的號碼還差100張距離，我便到二樓的的coffee shop飲杯野 ，諗住一路等，一路食個下午茶先，見餐牌有啲新野，就買黎試下。我叫了一個香脆雞肉蛋沙律蕃茄包和一杯核桃奶香蕉特濃朱古力，個包面烘過，所以有點脆，入面有碎蛋，蕃茄粒混合沙律醬汁和一件脆雞塊，食落雞塊香脆，配埋碎蛋蕃茄沙律，有另一番風味。核桃奶香蕉特濃朱古力，朱古力味香濃，有陣陣香蕉味，核桃奶就唔係太覺得有核桃味，但整體杯朱古力都幾香幾好飲。一個下午茶要成八十幾蚊其實都幾貴，但耐唔耐食下又無坊既。