影片
更多
2013-05-24
62 瀏覽
果日係星期六, 我地特登搭車黎就係為左一試車品品. 13:50黎到門口, 先見到閘關左, 原來貼左告示是日開14:00. 響附近行左一陣返黎, 已經有幾檯人排緊隊. 排左一陣, 過左14:00, 終於開閘, 食客紛紛自行入座. 張檯幾窄, 全間店都陣唔好聞既味, 可能通風唔太好.點左野食, 先知原來已經好多張單響我地前面. 當時只見老闆一人響廚房忙 (冇樓面、收銀, 就只有佢一腳踢), 大家都知一定有排等喇. 後面檯既食客一路等就一路批評, 話有冇搞錯得一個人做野. 等左好耐, 先見有另一人行出黎幫手 (女人, 可能係老闆娘?).我地冇睇錶, 感覺上應該等左起碼半小時吧, 先至有野食. 我地叫左2個車仔面($27-28/碗), 2個碗仔翅($22/碗), 1杯金牛(好似$20), 1隻干邑紅燒鮑魚 ($40).車仔面 -- 好普通, 冇驚喜. 叫生菜的話份量好多. 我地叫左既送仲有雞翼、魚旦同腸仔, 全部賣相同味道都普通, 冇咩特別. 面係蛋幼面, 冇蛋味, 唔彈牙, 冇梘水味, 我諗同普通蛋幼面冇咩分別.碗仔翅 -- 好足料, 又夠熱, very good. 不過貴左D, 唔算好大碗
點左野食, 先知原來已經好多張單響我地前面. 當時只見老闆一人響廚房忙 (冇樓面、收銀, 就只有佢一腳踢), 大家都知一定有排等喇. 後面檯既食客一路等就一路批評, 話有冇搞錯得一個人做野. 等左好耐, 先見有另一人行出黎幫手 (女人, 可能係老闆娘?).
我地冇睇錶, 感覺上應該等左起碼半小時吧, 先至有野食. 我地叫左2個車仔面($27-28/碗), 2個碗仔翅($22/碗), 1杯金牛(好似$20), 1隻干邑紅燒鮑魚 ($40).
車仔面 -- 好普通, 冇驚喜. 叫生菜的話份量好多. 我地叫左既送仲有雞翼、魚旦同腸仔, 全部賣相同味道都普通, 冇咩特別. 面係蛋幼面, 冇蛋味, 唔彈牙, 冇梘水味, 我諗同普通蛋幼面冇咩分別.碗仔翅 -- 好足料, 又夠熱, very good. 不過貴左D, 唔算好大碗. 味道都係中規中矩.
金牛 -- 未試過, 貪得意試下, 原來唔好飲. 可能分開食雪糕同飲忌廉會好味D.
鮑魚 -- 好好食, 厚肉, 冇酒味, 好有鮑魚味. 約尾指長度咁大隻. 咁既價錢係唔錯.
基本上大部份野食個樣都係普普通通, 味道一般 (除左鮑魚), 如果要我再詳寫食物評論我真係寫唔出喇, 因為真係好普通, 冇咩特別野可以寫. 可能我地叫既特色食物比較少掛.
呢度出左名要排隊, 呢日岩岩響佢開店前到達係好彩. 我地等緊野食既時候, 見到出面都有幾檯人等位. 外面太陽好曬, 路邊仲有工人搬運致灰土飛揚, 真係登出面等緊位既辛苦.
睇openrice呢度寫, 有人話老闆娘好nice好岩傾, 係呢間食店賣點之一. 但當日所見, 老闆同老闆娘都非常忙碌, 邊有時間同食客吹水呢? 唔通晚市會唔同D? 店裡面有隻貓走來走去, 好瘦的, 同埋好cool, D爪仲好長好尖, 所以唔敢同佢玩.
真係有閒情又唔餓先好黎食. 試過就算, 唔會特登再黎食.
好似好辣既辣椒, 唔知咩菜式先會落呢, 冇試到
張貼
