影片
更多
2008-04-14
17 瀏覽
昨天13/04/2008 一早10點45分到門口取飛, 要一張8人中檯.當時我問幾號飛, 個脂客話499, 而我張飛係511. 因為當時諗住食中午, 所以唔介意等等.點知等呀等, 等呀等...兩個幾鐘頭裡面全是嗌細檯飛.期間只係嗌過兩次中檯同一次大檯.中檯嗌到506就一直冇再嗌, 有個507既女人都係渣住張飛係度等, 諗住下一張就到佢, 點知又係等到火滾!入去裡面睇, 點知數落中檯原來得果幾張, 真係吹脹!同個經理投訴, 佢先開咪講左聲話唔好意思, 又鬼用咩? 等左成兩個幾鐘, 痴線架! 都唔知係咪做生意!中檯大檯唔夠, 就應該去諗點去變嘛,放塊圓板去加大細檯, 乜都得既姐...就算真係唔得呀, 都應該係人地去拎飛既時候, 同人地講聲要等好耐, 等個客有定心理準備去唔去等.講真大人等唔緊要, 一家大細, 細路仔咁等都好辛苦啦. 最後真係好失望+ 勞氣咁比番張飛個經理, 叫佢慢慢等埋佢!!!!!!!!!!!!!!!未食都一肚氣, 開酒樓開到咁細, 一係就咪鬼做茶市啦, 明知逢假日飲茶都一家大細架啦!!!
當時我問幾號飛, 個脂客話499, 而我張飛係511. 因為當時諗住食中午, 所以唔介意等等.
點知等呀等, 等呀等...兩個幾鐘頭裡面全是嗌細檯飛.
期間只係嗌過兩次中檯同一次大檯.
中檯嗌到506就一直冇再嗌, 有個507既女人都係渣住張飛係度等, 諗住下一張就到佢, 點知又係等到火滾!
入去裡面睇, 點知數落中檯原來得果幾張, 真係吹脹!
同個經理投訴, 佢先開咪講左聲話唔好意思, 又鬼用咩? 等左成兩個幾鐘, 痴線架! 都唔知係咪做生意!
中檯大檯唔夠, 就應該去諗點去變嘛,
放塊圓板去加大細檯, 乜都得既姐...
就算真係唔得呀, 都應該係人地去拎飛既時候, 同人地講聲要等好耐, 等個客有定心理準備去唔去等.
講真大人等唔緊要, 一家大細, 細路仔咁等都好辛苦啦. 最後真係好失望+ 勞氣咁比番張飛個經理, 叫佢慢慢等埋佢!!!!!!!!!!!!!!!
未食都一肚氣, 開酒樓開到咁細, 一係就咪鬼做茶市啦, 明知逢假日飲茶都一家大細架啦!!!
張貼