泛亞飲食 (已結業)

響瑪麗醫院睇醫生，取藥要鬥長命，等二百幾個號碼，同一層有餐廳（可以話窩心，亦可以話係生意頭腦）下午四點幾，有少少肚餓，去到餐廳已經八成滿，地方光猛明亮，下午茶餐剩下嘅選擇不多！揀咗「椒鹽雞翼配薯條」，熱檸蜜（$25），排一條長龍去取食物，櫃面手腳已經好快手，一埋去兩分鐘已經齊食物，再去自助bar唧茄汁，雞全翼只得一隻，無乜椒鹽味，似係普通炸雞翼多啲，幸好炸得皮脆肉嫩，雞肉唔乾，薯條唔多，應該炸好咗放咗一段時間，幸好用熱燈保溫，外皮少脆，內裡唔乾，熱檸蜜不會過甜，正常！若是唔係要等攞藥，真係唔會去呢度食！因為水準真係十分普通！