車品品小食 (已結業)

等等等等死人咩！！！果日同個朋友8點鐘去到車品品，門口有人，前面10個人咁上下，等左我差唔多食個鐘。好，比我入到去啦，點左個大雜會乜都有，一個糖心皮蛋，仲有魯肉餃。又係要等，我對住手錶，足足20分鐘。先講食物，皮蛋好食，由於我本人好喜歡皮蛋既關係，對呢樣野邊度食都比好高分。車仔面有少少名大於實，唔係話佢唔好食，只係二百幾個like就真係令我對佢太有希望。不待不提魯肉餃，真係好好食，上面果少少蝦子，一食落口完全係其他水餃比唔到我既好食。鮮、甜、香。又係一個滿分之作。可能我個人有點期望過高，所以最後有少少失望。如果大家行開果頭，可以去試下，雖然食完唔會識飛，但我個人覺得可以接受。