廣成冰室 (裝修中)

去廣成冰室幫襯，一定要好有耐性，因為逢星期六日，淨係等位，可能都要30分鐘，入坐落單，等食都差唔多再20-30分鐘佢嘅裝修係古舊嘅裝修，應該係話冇裝修，佢啲裝修係以前帶落嚟，燈制丶電制丶風扇都係好殘舊，不過為咗佢嘅美食，冇所謂，就當係特色啦佢嘅茶餐，你可以選擇蛋治或者菠蘿油，我多數要蛋治，因為佢嘅抄蛋好滑，啲雞蛋都有成吋厚，鮮牛肉通粉，新鮮煮出嚟個牛肉湯汁好香濃，加啲胡椒粉就更加美味，奶茶水準唔穩定，有時香滑，但有時有D淡，一般都OK，所以咪咁多人幫襯嘅原因