The Flying Pan (已搬遷) 新店位置

女友落灣仔開會後，約在這兒吃午餐。選了份「xx sink」（$100）的超份量早餐，分來食，另點一份放題咖啡。邊玩棋邊等，約十五分鐘才上桌。這個早餐包一個巨大的omelette 煎物，多士或英式鬆餅，兩款side dish和細果汁一杯。份量不少。賣相猶如六吋披薩的omelette 煎物，以早餐火腿腸仔等醃製肉類、西蘭花磨菇三色椒等蔬菜、香濃惹味的三色芝士，以及雞蛋，煎製而成。完全美式濃郁口味。好好味！在吐司和English Muffin之間，選了後者，烤得香脆，塗上厚厚草莓果醬，感覺幸福。Side Dish 方面，選了green salad 和燉肉桂蘋果。前者係爽脆新鮮的沙律菜，配上濃厚的凱撒沙律汁，唔錯。後者係燉煮得相當入味的肉桂蘋果，唔係度度有得食！果汁係超細杯的果汁，選了西柚汁，味道一般。放題咖啡就好香濃熱，很正點！這兒的食物係好足料！所以幾物有所值。