等 (已結業)

等～寂寞到夜深～等待對生活節奏急促、缺乏耐性嘅現代人的確係件苦差，但放慢腳步，學習等待亦係給予我地靜心感受生活嘅機會。以「等」為主題嘅呢間cafe以純白色作主調配上木傢俬，並以乾花點綴，空間感十足且樓底高，毫無壓迫感。𖦹 小食拼盤 $138包括洋蔥圈、魷魚圈、雞塊同雞柳四款，新鮮熱辣，點他他醬味道最夾，令人食唔停口。𖦹 松葉蟹肉燴飯 $138賣相精緻吸引，最正係個蟹鉗，肉味鮮甜啖啖肉。將蟹蓋入面嘅蟹膏、蟹籽與燴飯拌勻，蟹味濃郁，口感亦極為豐富，蟹fans萬勿錯過。𖦹 三味蟹籽魚籽海膽帶子飯 $138日式丼飯有蟹籽、三文魚籽、海膽同帶子，鮮味爆發！海膽creamy唔腥；帶子經火灸過，肉厚鮮甜；三文魚籽晶瑩剔透，爽口！𖦹 明太子蟹棒海膽意粉 $128見到明太子就知我一定會嗌xd。意粉軟硬適中，每條粉都掛滿明太子醬，鮮味滿嗌，係略嫌乾咗少少。𖦹 柚子芝士蛋糕 $68適逢閨蜜們嘅生日又點少得蛋糕呢～柚子味道清新，正好中和咗芝士蛋糕嘅甜膩。𖦹 抹茶巴斯克 $68抹茶同芝士嘅味道平衡得宜，蛋糕入面非常滑溜！𖦹 await signature $48 美式咖啡帶有柚子及檸檬味，果香十足，苦中帶酸甜，