新利記 (已結業)

下午在筲箕灣食飯時候，經過太安樓，到處餐廳都是人群，唯有買外賣啦！經過一間小店，名叫"新利記 "見店內坐位太少，店外很多人排隊輪候，再看看餐牌，價錢十分吸引喎！即炒粉麵也只不過係三十蚊左右，其餘各種意粉及飯類，都不會超過三十六蚊，實在非常抵食。今次第一次去試，我叫咗個"咖喱斑腩(魚柳)拼腸仔飯"外賣，都只係廿八蚊。只等了8-9分鐘，外賣已包好了，發現仲有例湯送。於是帶返屋企慢慢食。當返到屋企，試試例湯"金銀菜煲南北杏"，意外地非常熱辣辣，而且味道也唔錯，湯渣也不少👍；跟著就係試吓主菜"咖喱斑腩(魚柳)拼腸仔飯"喇；炸斑腩(魚柳)有四件至五件左右及一條腸仔，咖喱汁就少了一些，但味道也可以，不會太辣，亦有香味。而飯方面不算很多，少咗些少飯香，飯的軟硬度只是一般啦！不過整體呢個飯盒，的確係很超值。下面已附上兩頁外賣價錢單，以作參考