UCC COFFEE SHOP

營業中

休息中

見到個標題你都會明白，今次嘅食評就係簡單、粗暴、享受。其實食嘢唔需要特別，只需要放鬆、享受、滿足。今次呢個下午茶完全滿足到你三點。朱古力香蕉窩夫呢個窩夫只不過係一個半份嘅份量，不過一啲都唔細，根本就係出面一個全份嘅份量。坦白講朱古力同香蕉就冇乜好評論㗎啦，要評就評一評個窩夫。呢個窩夫，兩個字，好正！首先，甜品師傅技術好好，完全係做得出外脆內軟。基本上如果就咁食，其實你又可能會覺得有少少硬，但係如果你計算埋雪糕溶化之後，會令護膚濕咗後嘅軟硬度，呢個真係冇得彈，非常好！而且窩夫本身就有一定嘅味道喺度，有少少微甜，唔似出面嗰啲一啲味道都冇。總括而言係非常之好食！宇治金時窩夫（綠茶雪糕配紅豆蓉）窩夫頭先評論完啦，呢次到綠茶雪糕筒紅豆蓉，我本人就覺得好好味，紅豆蓉嗰個甜度同軟硬程度都非常之好，亦都有微微一粒粒嘅口感。推介！招牌咖啡呢度嘅咖啡，係用虹吸壼煮的。第一次嘗試呢種咖啡，整個咖啡嘅香氣叫埋老竇都比較強，未必每個人都接受得到，但係我就好鍾意。特別特別係配上窩夫甜點，一流！絕對建議大家落單試一試。